မောင်တော၊ မေ-၅
နယ်မြေမငြိမ်သက်မှုကြောင့် ၂၀၁၂ခုနှစ်ဇွန်လမှ စတင်၍ ဘင်္ဂလားဒေ့ရ်ှနယ်စပ်မှ မောင်တောဒေသသို့ ထွက်ပြေးတိမ်းရှောင်လာသူအရေအတွက်မှာ တစ်ထောင်ကျော်ရှိနေပြီး အရေးပေါ်အကူအညီများ လိုအပ်နေကြောင်းသတင်းရရှိသည်။
ယမန်နှစ်အတွင်း ရခိုင်ပြည်နယ်တွင် ဖြစ်ပွားခဲ့သော ပဋိပက္ခများကြောင့် ဘင်္ဂလားဒေ့ရ်ှနိုင်ငံနယ်စပ် တွင် နေထိုင်သော ရခိုင်၊ ဒိုင်းနက်၊ သက်စသည့် ရခိုင်မျိုးနွယ်စုများမှာ ရန်ပြုခြင်းများကိုခံခဲ့ရ ပြီးနောက် မောင်တောဒေသသို့ တိမ်းရှောင်လာကြခြင်းဖြစ်သည်။
ယမန်နှစ်ဇွန်လကပင် ၀င်ရောက်ခိုလှုံနေသူများအပြင် အောက်တိုဘာလမှ ယခုနှစ်ဧပြီလအထိ တိမ်းရှောင် လာသူအိမ်ထောင်စုပေါင်း ၂၄၁စု၊ လူဦးရေ ၅၆၀ကျော်ရှိကြောင်းနယ်စပ်ဒေသ တိုင်းရင်းသားလူမျိုး များဖွံ့ဖြိုးတိုးတက်ရေးဦးစီးဌာန(နတလ)မှ သတင်းရရှိသည်။
“တစ်ဖက်နိုင်ငံမှာအစ လုံခြုံမှု၊ စားဝတ်နေရေး အဆင်မပြေမှု၊ အလုပ်အကိုင်မရှိသူတွေကြောင့် အားကိုး တကြီးနဲ့ ၀င်ရောက်လာကြတာပါ။ သူတို့ဟာဘေးအန္တရာယ်ကို ကြောက်ရွံ့မှုကြောင့် ဘေးလွတ်ရာကို ၀င်ရောက်ခိုလှုံလာတဲ့ ဒုက္ခသည်တွေဖြစ်ပါတယ်။ သက်ဆိုင်ရာဌာနတွေက တတ်နိုင်သလောက် အကူ အညီ ပေးထားပေမဲ့ အခြားအလှူရှင်တွေ၊ အိုင်အင်န်ဂျီအိုအဖွဲ့အစည်းတွေရဲ့ အကူအညီတွေ အများကြီး လိုအပ်ပါတယ်။ လက်ရှိမှာတော့ WFP က စားနပ်ရိက္ခာတချို့ထောက်ပံ့ပေးနေပါတယ်။
တခြားအိုင်အင်န်ဂျီအိုအဖွဲ့တွေကတော့ ထောက်ပံ့ပေးတာမရှိသေးပါဘူး” ဟု နတလလက်ထော က်ညွှန် ကြားရေးမှူး ဦးသန့်ဇင်က ပြောသည်။
တစ်ဖက်နိုင်ငံမှ ထွက်ပြေးတိမ်းရှောင်လာသူများကို မောင်တောမြို့ဗဟိုဘုန်းတော်ကြီးကျောင်းတိုက်တွင် ဦးစွာလက်ခံ၍ သက်ဆိုင်ရာမှ စီစဉ်စာရင်းသွင်းကာ တိုင်းရင်းသားကျေးရွာများ တွင် နေရာချထားကြောင်း သတင်းရရှိသည်။ သက်ဆိုင်ရာနှင့်ဒေသခံအဖွဲ့အစည်းများက ထောက်ပံ့ပေးနေသော်လည်း အကူအညီများ လိုအပ်နေဆဲဟု ကူညီကယ် ဆယ်ရေးဆောင်ရွက်သူများပြောသည်။
“ထွက်ပြေးလာသူတွေကို ယာယီနေရာမချခင် ကျောင်းမှာ ခိုလှုံခွင့်ပေးထားတယ်။ စားသောက်ရေးလည်း စီစဉ်ပေးတယ်။ တခြားအလှူရှင်တွေလာရောက်လှူဒါန်းမှုက လိုသေးတယ်။ အဲဒီမိသားစုတွေကို ကူညီထောက်ပံ့ရေးတွေ အများကြီးလိုနေပါတယ်” ဟု ဗဟိုကျောင်းတိုက်ဆရာတော်က မိန့်ကြားသည်။
“တတ်နိုင်သလောက်စားနပ်ရိက္ခာတွေ ထောက်ပံ့ရေးပစ္စည်းတွေ ထောက်ပံ့ပါတယ်။ ပြည်နယ်အစိုးရ အစီအစဉ်နဲ့ပါ” ဟု ရခိုင်ပြည်နယ်အစိုးရပြန်ကြားရေးတာဝန်ခံ ဦးဝင်းမြိုင်ကပြောသည်။
၂၀၁၂ခုနှစ်အတွင်း ရခိုင်ပြည်နယ်တွင် ဖြစ်ပွားခဲ့သော ပဋိပက္ခများကြောင့် ဘင်္ဂလားဒေ့ရ်ှနိုင်ငံရှိ ဗုဒ္ဓဘာသာဝင်လူနည်းစုများ နေထိုင်ရာဒေသများ၌ ဘုန်းတော်ကြီးကျောင်းများနှင့် နေအိမ်များ မီးရှို့ ဖျက်ဆီးခံခဲ့ရပြီး အကြမ်းဖက်မှုများဖြစ်ပွားခဲ့သည်။
ဓာတ်ပုံ- Munir uz Zaman/AFP ;7Day News Journal
No comments:
Post a Comment
မိတ်ဆွေတို့ ၏ ဆွေးနွေးမူ ဝေဖန်မူအား လိူက်လှဲစွာ ကြိုဆိုပါသည်